Одрон се заканува на патот кај Сопиште

Наташа Стојановска	Коментари (1)

Ова е слика од македонските патишта. Овој пат, лоциран во Сопиште е под закана да биде однесен од свлечиштето што тлее со години. Општинските власти се обратиле до надлежната агенција за државни патишта.

Нејасно е дали агенцијата повеќе од една година нема доволно пари или пак овој пат не е во нејзината приоритетна листа за да го санира. Можеби овој пат не води до некоја битна политичка фигура во општеството, но низ него минуваат илјадници луѓе чии животи се загрозени.

Од агенцијата се правдаат патот е скениран и опасност нема. Градежните работи ќе почнеле во јуни но, токму овие примери каде се одолговлекува санацијата, се опасност и при нормални врнежи тие да се активираат.

„Долги времиња овие места кои што се евидентирани, не се преземаат мерки да се санираат или да се обезбедат или да се направат технички решенија за да не постојат. Последица на оваа работа е и лошото одржување, не може цел труп на пат да оди ако е добро одржана“, вели Вулнет Палоши.

Овој знак и столбчиња - ги предупредаат минувачите дека теренот не е безбеден.

„Никој не интервенира да ги поправи тие места. Логично е дека тие знаци треба да бидат времени. Институциите што треба да ги прават, малце даваат важност на оваа работа и се амнестираат со самото тоа дека е поставен знакот опасност од одрон и мислат дека нивната одговорност веќе е прејдена на самиот возач“, додаде Вулнет Палоши.

Одрони, свлечишта, пропаднати патишта. Патот Битола-Ресен е во прекин. Надлежните се правдаат со факторот природа, познавачите одговорност лоцираат и кај институциите во делот на одржување и градење на патиштата.

Велат со природата не може да се оправда се, а пример за тоа е и патот во Сопиште што долго е познат како жариште, а не е саниран.

За печатење

Прати по e-mail

Порака до авторот

Разгласи