Поскапуваат лековите за болните од остеопороза
05.03.2010 13:28
Со новите референтни цени ќе поскапат современите лекови за остеопороза. Болните кои досега доплаќаа околу 600 денари сега за едномесечна терапија ќе треба да платат партиципација од 1900 денари. Од здружението за остеопороза реагираат со ова фондот ќе направи пациентите да се откажат од лекување. „Не смееме да дозволиме пациентите да се вратат назад на терапија која што не е веќе ефикасна, која што ствара тегоби и која е земена како основна од фондот“, изјави Елена Стојковска. Остеопорозата е хронично заболување. Доколку пациентите не примаат терапија се соочуваат со скршеници. „Особено скршеници на колк кој што се лекуваат со многу скапи ендо протези на колк, кој што изискуваат долготрајно лекување и престој на пациентот во болница, па после долго трајни рехабилитации, многу бројни компликации“, вели др. Иванка Стефановска, ортопед. Годишно во земјава околу 210 пациенти со остеопороза се оперираат од колк на клиниката за ортопедија. Според здружението само една операција чини повеќе од две илјади евра. Со најсовремените лекови државата ќе заштеди 5 пати повеќе отколку овие пациенти да се оперираат.
|