Знамето на ЕУ гореше во Атина

Александра Игњатова	Коментари (5)

Знамето на Европската Унија синоќа гореше низ улиците на Атина. Гневни што товарот за излегување од должничката криза ќе падне на нивниот грб, Грците излегоа на улиците, некои носејќи ги и децата.

Намалувањето на платите и зголемувањето на даноците натераа некои од нив да се судрат со полицијата. Демонстрантите кои вчера го окупираа министерството за финансии вечерта се судрија со безбедносните сили, толпата почнала да гаѓа со камења, на што полицијата возврати со солзавец и со шок-гранати.

Со безбол палки се кршеле автобуски постројки и влезови на банки. Нови протести се најавени и за денеска, кога парламентот треба да го одобри планот за затегнување на појасот. Нема да работат сите јавни служби, ќе биде прекинат и сообраќајот. Ќе протестира и приватниот сектор.

„Сите знаат кој треба да плаќа, но секогаш плаќаат само работниците“, изјави Никос Гиолус, протестант.

Грчкиот премиер Јоргос Папандреу денеска заминува во клучна посета на Берлин. Германскиот канцелар Ангела Меркел деновиве изјави дека ги поддржува напорите на Грција за излез од кризата, но оти не планира доделување финансиска помош. Папандреу пак истакна дека Атина од Берлин ќе побара само политичка поддршка, но „ниту еден цент од парите на германските даночни обврзници“.

За печатење

Прати по e-mail

Порака до авторот

Разгласи