Грчката криза ги менува макроекономските проекции во Македонија
03.03.2010 19:01
Кризата во Грција, намалената трговска размена, можните последици за Македонија, економскиот потрес кај јужниот сосед ќе биде причина нова ревидирана проекција на Народната Банка. А1 од извори во НБРМ дознава дека се подготвува нова прогноза. Очекуваниот оптимизам може да биде засенет од состојбата во Грција која важи за трет по големина трговски партнер за Македонија и еден од водечките инвеститори кај нас. Дали кризата во Грција ќе ја поремети оптимистичката проекција за економски раст од 2 % годинава допрва ќе се пресметува. По неколкуте намалувања на основната камата од НБРМ не ја исклучуваат можноста за нова корекција надолу но и тоа ќе зависи од новите проекции за економијата. Во меѓувреме НБРМ денеска преку записи собра фантастични 102 милиони евра, но на банките и на фирмите им врати 74 милиони по однос на веќе доспеани записи. Во моментов салдото на записите во НБ изнесува 367 милиони евра. Приватниот сектор повеќе пати ја повика и владата и народната банка да забават со аукција на записи, модул што постојано влече пари од стопанството. Денеска банкарскиот сектор и фирмите добија 52 милиони евра, пари што владата им ги врати под основ на доспеани 6 месечни записи.
|