Промоторите потрошиле 584.000 евра, а ефектите се слаби

Наташа Стојановска	Коментари (1)

Рубинчо Заревски

Власта не може да го оправда ангажирањето на економските промотори, пред државниот завод за ревизија. Ревизорскиот извештај обелоденува дека за 18 промотори, потрошени се повеќе од половина милион или 584 илјади евра.

Но ревизорите не се увериле во ефектите од промоторите и сметаат дека начинот на кој се следи нивното работење недоволно ги дефинира ефектите за ангажирањето. Промоторите контактирале со 11.245 компании.

Земјава ја посетиле само 118. Токму тука познавачите ја наоѓаат слабоста, сметаат дека работата на промоторите не може да заврши само на контакти и делење визит картички.

„Промоторите имаат само таргет да посетат компании да информираат за таа посета, а самата суштина обработката на пазарот не следи. Тоа е она што мора да се случи“, Рубинчо Заревски.

На терен огромен број нереализирани инвестиции Монтипе, Искра, Орланди и редица други. Како последен грандиозен проект што власта бомбастично го најавуваше беше јужно Корејската инвестиција на Хаер и Тривју што требаше да стартува на Бунарџик но засега нема ништо ниту од оваа инвестиција иако на поиставувањето на камен темелникот се сликаше половина влада.

На Бунарџик сега се Џонсон Контрол и Џонсон Мети, а токму ревизорите забележуваат дека без соодветни критериуми власта дала државни субвенции во форма на грантови од 4 милиони евра на една од компаниите во една индустриска зона.

За печатење

Прати по e-mail

Порака до авторот

Разгласи