„Ќе се среди хаосот со кабелските оператори“
03.03.2010 18:25
 | | Зоран Стефаноски | | | |
Хаос на пазарот на кабелски оператори има но се преземаат мерки да се средат состојбите вели за А1 претседателот на советот за радиодифузија Зоран Стефаноски. Тврди дека кршењето на регулативата е очајнички обид на кабелските оператори со пиратерија да задржат што повеќе корисници во услови кога на пазарот се јавија сериозни компании што донесоа конкуренција. „Хаосот е создаден поради тоа што неподготвени ја дочекаа конкуренцијата. Онаа навика само да се земаат парите од претплатата, а да не се вложува ниту во плаќање на авторски права ниту во осовременување на системите кои што ги имаат, сега им се удира од глава на самите оператори. Во таа паника кој што ја спомнав, а тие се обидуваат сега бидејќи не можат со квалитет, цени и технологија се обидуваат со пиратирање некако да опстанат во ова игра“, вели Зоран Стефаноски, претседател на советот за радиодифузија. Советот за радиодифузија досега поднел стотици налози за исклучување на одредени програми од пакетите на кабелските оператори за кои не се платени авторски права, поднесени се и голем број прекршочни пријави, дел од нив се платени, а дел застаруваат по судовите. „Тешко е навистина имаме 50-тина оператори, тешко е насекаде да се стигне и обично ние во текот на денот може да правиме мониторинг, тие обично навечер ги пуштаат, ги вклучуваат ги исклучуваат, хаос владее“, додаде Зоран Стефаноски, претседател на советот за радиодифузија. Граѓаните подолго време се жалат дека кабелските оператори им нудат содржини со слаб квалитет, странски тв канали без превод програми кои ги менуваат од ден на ден без образложение и консултација со корисниците.
|