Европските пари далеку колку и европската култура
03.03.2010 14:27
Европските пари се далеку колку и европската култура. Иако фондовите на ЕУ се достапни за сите културни институции, исклучително мал дел од нив досега знаат и ги користат овие пари. Денеска, Секретеријатот за европски прашања и гостите на „Hopmak“ проектот од програмата за култура на Европската заедница и Министерството за култура, ги учеа македонските културни дејци како да подготват проект што ќе стигне до европските фондови. „Приближување кон европското семејство и реализирање на проектите поддржани од програма култура, се невозможни без стратегија за долгорочна меѓународна соработка на самите институции и организации“, вели Драган Недељковиќ, заменик министер за култура Биеналето на млади уметници од Европа и Медитеранот што се одржа минатата година во Скопје, прв пат во земја што не е членка на ЕУ, досега е единствениот проект во кој македонските организатори биле главни носители. „Процесот не е лесен, бара големо време на подготвување на самиот проект и она што е најбитно, бара големо време пронаоѓањето на вистински партнери за проектот“, рече Тања Блажевска, Биенале на млади уметници. И Драмскиот театар се обидува да стигне до европските пари. „Ако е еден проект чини околу милион, милион ипол денари, до два милиони, сумата која што сега Драмски театар ја побарува како ко-продуцент е за четири пати помала“, изјави Бранко Ѓорчев, директор на Драмски театар. Норвешкиот амбасадор во Скопје Кјетил Паулсен, денеска на семинарот рече дека дека неговата земја ја поддржува евроинтегарцијата на Македонија и реформите на тој пат. Иако не е членка на ЕУ, Норвешка тесно соработува со Унијата во сите сфери вклучувајќи ја и културата и има богато искуство кое може да го сподели со Македонија.
|