Јавниот превоз и улиците во мизерна состојба

Наташа Стојановска	Коментари (5)

Црвениот сјај одамна го нема, автобусите стари и по неколку децении, се уште превезуваат патници. Дефектите се почести.

„Особено навечер ептен ретки се. Автобусите се расипуваат по патиштата“, велат незадоволните граѓани.

ЈСП е заглавено во долгови, 8 милиони евра неплатени даноци.

„На неколку линии имаме стварно незадоволни граѓани. Во моментов правиме анализа и веќе од понеделник, ќе почнат овие автобуси да се обраќаат нормално“, изјави Мишо Николов, директор на ЈСП.

Не се подобри ниту улиците. Дупки и крпеници. Јавните претпријатија задолжени за инфраструктура кумулираат долгови.

Во железницата, како да нема пари ниту за елементарна хигиена.

„Чисто е кога сум јас тука, чим си одам прљаво е се“, рече хигиеничарот од железничката.

„Мизерија е внатре, ова во Индија го нема“, додаде граѓанин.

Гужви по шалтерите. Граѓаните на суд за неплатени сметки. Заедно со фирмите на водовод му должат 27 милиони евра.

Менаџментот вели финансиската дисциплина е средена, нема загуби.

„Во изминатиов период почнавме еден друг проект, каде што мислиме дека во догледно време овој проблем ќе се реши, преку воведување на водомери со далечинско очитување“, вели Игор Арнаудов, директор на водовод.

Бројот на вработените во комуналните претпријатија расте но растат и долговите, сликата останува иста.

За лошите резултати, менаџерите не одговараат.

„Јас би сакал да видам во Р. Македонија, менаџер на ЈП кој самиот ќе си поднесе оставка заради лошите економски резултати“, рече Леонид Наков.

„Па нема одговорност затоа што, едните со другите се покриваме во политиката“, изјави Ристо Пенов.

Koj се раководи со Јавните претпријатија, во ревизорскиот извештајот за водовод од Богданци, покрај нерегуларностите, стои и дека повеќе години како вд директор е лице без соодветно образование. Од вакви причини и услугите за граѓаните ќе бидат далеку од европските се додека не се оттргнат од партизација.

За печатење

Прати по e-mail

Порака до авторот

Разгласи