Долговите на Јавните претпријатија репрограмирани

Мишко Иванов	Коментари (5)

Силвана Бонева

Државата ја пролонгираше агонијата на презадолжените јавни претпријатија. Повеќе од 100 милиони евра натрупани долгови поради неплаќање данок, сега државните претпријатиата долговите ќе ги подмируваат 10 години, со грејс период од три години.

Им се отпишуваат и каматите, доколку редовно плаќаат.

„Во грејс период од три години да набават опрема да се оспособат како што треба и после три години да почнат да ги враќаат долговите, значи не се работи за не транспарентно работење, за подметнување едни на други“, вели Силвана Бонева, ВМРО-ДПМНЕ.

„Немој да се затскривате за нешто што самите потврдивте, како кукавичко јајце го подметнавте на Парламентот, повторно го споменувате ЗЕЛС, каква е допирната точка на Зелс со криминалите на македонски шуми, со криминалите во македонија пат“, изјави Владо Бучковски, СДСМ.

„Предлагач на предлог законот е вашиот координатор, госпоѓа Цветанка Иванова. Вие тука сте ставени како СДСМ во улога на смоквин лист кој што треба да ја покрие голотијата на ВМРО-ДПМНЕ, на нивната промашена економска политика. Па господине Бучковски, решете се, или зацврстете го смоквиниот лист на голото тело на ВМРО или скинете го храбро“, рече Јован Манасиевски, ЛДП.

Вакво законско решение да се понуди и за приватните компании.

„Ова е прва конкретна мерка која ја презема владата. Добро е и да се преземи во реалниот сектор“, вели Томе Чингоски, СДСМ.

И покрај меѓупартиските препукувања во собраниската сала, законот сепак, беше изгласан.

За печатење

Прати по e-mail

Порака до авторот

Разгласи