Европратеници: Флексибилност за да има решение за името

Горазд Чомовски	Коментари (5)

Јелко Кацин

Ако Македонија сака да ја демонстрира својата проевропска ориентација мора да биде подготвена да направи отстапки, порачува Јоханес Свобода.

Пратеник во Европскиот парламент во интервју за бугарската агенција Фокус, оценува дека е можен компромис за името додавајќи дека Брисел требаат да изврши многу по силен притисок врз Скопје и Атина за да се постигне решение за спорот.

Без да навлегува во детали, влијателниот европратеник посочил дека комромисните решенија се толку очигледни и асни за секој набљудувач од надвор.

„За мене лично и за многу други не би требало да имаме проблем со името како пречка и ние мораме да почнеме со преговори со Македонија. Но, секако дека прашањето за името мора да биде решено. Мислам дека ние треба да извршиме многу посилен притисок врз двете страни да постигнат договор“, изјави Свобода, потпретседател на групата на социјалистите во Европскиот парламент.

Создадени се сите предуслови за надминување на спорот со името, Словенечкиот европаретеник Кацин за А1 вели дека одговорноста на лидерите е тие да бидат дел од решението а не дел проблемите.

„Јас би рекол дека Македонија сеуште е стабилна во својата закопана положба која не и користи ниту на Македонија, ниту на регионот, ниту на Грција. Поради тоа мора да се покаже поголема флексибилност, треба Македонија да има храброст и едноставно да направи не само чекор напред, туку прескок во подобрувањето меѓу државните односи и создавање на подобра политичка атмосфера“, рече Јелко Кацин, пратеник во Европски парламент.

И двајцата европски функционери, грчкиот план за интегрирање на целиот регинот до 2014 година го оценуваат како реален но само и ако претходно бидат надминати сите отворени прашања.

За печатење

Прати по e-mail

Порака до авторот

Разгласи