Власта ветува станови за млади брачни парови
05.02.2010 18:32
Поразителните резултати во градежништвото не запираат. Статистика ги обелодени декемвриските податоци. Споредувајќи ги со декември 2008, одобренијата за градба се намалени за 18,5 проценти. Бројките се уште позагрижувачки, оти изградбата на станови, куки и деловни објекти е падната за 26 проценти. Ова покажува сериозна воздржаност на приватниот сектор. Наспроти овој пад - раст од 79 проценти има кај нискоградбата, односно патиштата. 25-те одобренија го ублажуваат вкупниот пад. Во меѓувреме државата најави продажбата на комерцијалните станови. „Се однесуваат за млади брачни парови и ќе има категорија самохрани родители. Така што само тој тип на граѓани ќе можат да учествуваат во купувањето на станови“, вели Владимир Бахчовановски, ЈП за станбен и деловен простор. Метар квадратен чини 760 евра. Цената утврдена со намаленото ДДВ од 18 на пет проценти. Оваа одлука требаше да ги намали цените на становите, но посериозен пад не е забележан. Експертите веќе потенцираа дека ќар ќе имаат само градежниците оти и досега, одбегнувале да го платат данокот од 18 проценти и наместо фирма објектите ги граделе физички лица, кои плаќаат само 3 проценти данок. Токму и во последните податоци на статистиката, стои дека од вкупно 221 одобренија за високоградба дури 185 ги градат физички лица, а само кај 36 ги градат фирми. Од друга страна пак ниту Јавното станбено претпријатие нема посериозен капцитет за да ја диктира цената на пазарот.
| 1. | Гоце од Скопје на 05.02.2010 во 20:19 напиша: |
Во соседна Србија јавното претпријатие за становање најавува 12000 комерцијални станови чија целна група се младите брачни парови и ранливите групи граѓани, а тука се крева бука за 50 стана.
Вистинска придобивка ќе беше да почнеше да се гради Сончев град. Ама тоа некому не одговара... |
| |
|