Се набавуваат автобуси од бизнисмен со контроверзно минато

Наташа Стојановска	Коментари (5)

Игор Чуркин

Тајкунот од Украина, Игор Чуркин од каде Македонија купува автобуси, вмешан во серија афери, од матни приватизации па се до шверц на дрога. Вакви информации за Чуркин пред 4 години ги преплавија руските и српските медиуми.

Тајкунот го гонеше Интерпол. Подолго време го следеле неговото движење. Беше уапсен во Белград, на враќање од Јамајка. Се сомничел за криминална приватизација на црноморско бродоградилиште.

Обвинителството во Киев покренало истрага, при што било утврдено дека со помош на лажни документи Чуркин станал сопственик на бродоградилиштето а парите никогаш и не ги уплатил.

Неговото име е врзано и за повеќе афери со дрога. 500 килограми кокаин и марихуана скриени во клима уреди биле запленети на граница. Набрзо по апсењето украинските власти ги повлекоа сите обвинувања против него.

Договорот за продажба на автобуси во Македонија пред два дена беше потпишан во Киев, во присуство на заменик министер за економија како гаранција дека ќе бидат испорачани навреме. Чуркин тогаш изјави дека очекува зделката да не заврши тука.

„За изработка на проект ќе ни треба една година, пола година ќе ни треба за изградба на инфраструктурата, односно на поставување на линијата и уште една година да ги испорачаме сите тролејбуси „Армоника“. Тоа може да се изврши многу побрзо, отколку на пример ако се воведува трамвајска линија“, вели Чуркин.

Чуркин е украинскиот тајкун со руско потекло чие контроверзно минато е исчистено во досието во Киев. Неговата компанија победи на тендерот за купување на 84 автобуси, од кои 15 треба да стигнат во Македонија до први јуни.

За печатење

Прати по e-mail

Порака до авторот

Разгласи