САД најавуваат економски раст во 2010 година

	Коментари (0)

Американската економија во 2010 година ќе оствари раст од три отсто, а во наредните две години се очекува да достигне и до 4,5 проценти на годишно ниво.

Вакви предвидувања изнесоа во понеделникот навечер економските експерти во администрација на американскиот претседател Барак Обама.

„Нашите среднорочни прогнози се подготвени врз база на детални анализи. Мислењата се дека економскиот потенцијал на државата за периодот 2010-2012 година е силен“, изјави шефот на советот на економски консултанти во Белата куќа, Кристина Ромер.

Според економските консултанти, невработеноста во државата до крајот на годината незначително ќе се намали на 9,8 отсто, на крајот на 2011 се очекува таа да изнесува 8,9 проценти, а на крајот на 2012 се предвидува стапката на невработеност да падне на 7,9 отсто.

Стапката на инфлација во САД се очекува годинава да се движи околу еден процент, следната година да достигне 1,4 отсто, а во 2012 да изнесува 1,7 отсто. ^{Copyright 2009 makfax. Сите права се задржани. Текстов не смее да се печати или емитува, во целина или во делови, без договор со makfax.}

За печатење

Прати по e-mail

Порака до авторот

Разгласи