Се чека на Уставен за законот за градба

Наташа Стојановска	Коментари (1)

Скендер Палоши, сектор за урбанизам на Тетово

Новиот закон за градба нема да го реши урбанистичкиот хаос, иако предвидува парични казни за оние што нема да направат фасади и нема навреме да ги изградат објектите.

Луѓето дури и да ги платат казните, фасадите и објектите може да останат недовршени.

„Ќе се платат казните и нема да се довршат фасадите или објектите. Исто така, точно е и тоа дека ако притискате некого да казните, тој ќе направи нешто само да не ја плати казната, меѓутоа не можеме да очекуваме дека тоа ќе биде квалитетно“, вели Скендер Палоши, сектор за урбанизам на Тетово.

„Со овие казни ќе се присилуваат голем број на инвеститори да не почнат да градат се додека не ја комплетираат финансиската конструкција за инвестициите“, рече Руфи Османи, градоначалник на Гостивар.

Ова се толкува како обид да се полни буџетската каса, а не да се решаваат проблемите.

Руфи Османи, градоначалник на Гостивар

„За полнење на буџетот да, меѓутоа јас не знам дали законите се носат за да се полни буџетот или за да се стави ред“, истакна Палоши.

Освен за фасадите, законот беше критикуван и за најконтроверзното решение - конфискација на земјиште, член за којшто поскоро ќе треба да се произнесат и уставните судии, оти законот е на сила, а градоначалниците во недоумица.

„Да ги видиме постапките на другите градоначалници како ќе бидат, така што јас не би бил прв во постапките“, изјави Мукрем Мехмеди, градоначалник на Маврово.

Мнозинството градоначалници и од власта и од опозицијата бараат промени и ја чекаат одлуката на Уставниот суд.

Неколкумина сепак најавија дека ќе конфискуваат. Локалната власт во Гостивар го повика министерот Јанакиески сам да почне со конфискација.

За печатење

Прати по e-mail

Порака до авторот

Разгласи