24 милиони евра проневериле бившите директори на Телеком

24 милиони евра проневериле поранешни директори на Телеком од 2000 до 2006 година. Овие скандалозни податоци ги објави денеска Маџар Телеком во финалниот извештај изготвен од американската независна куќа Вајт енд Кејс, која некоку години ја водеше истрагата во сите фирми ќерки на унгарскиот телекомуникациски гигант.

во Мактел сомнителни се повеќе од 20 договори за консултантски услуги, лобирања кои ги склучувала помала група на поранешни извршни директори, стои во извештајот. Пари трошеле од посебни фондови но не за тоа што стои во договорите туку за други цели.

Во извештајот се потенцира дека голем дел од договорите се склучени за да се добие посебна регулатива на пазарот и други бенефиции од македонската влада. Истрагата не обезбедила докази за тоа дека пари им се префрлани на владини функционери или на членови на политички партии.

За дел од договорите нема конкретни докази бидејќи е откриено дека бившите директори во телекомот уништувале материјали. Во Македонија веќе е распишана потерница против поранешниот прв човек на мактел Атила Сендреј, екс финансискиот директор Ролф Плати и неколку други менаџери за проневера на 6,7 милиони евра.

Сендреј додека беше во директорската фотеља на телекомот негираше дека тој и неговите најблиски соработници работат незаконски.

„Во овие договори се е апсолутно правно регулирано. Имаме неколку ревизорски куќи коишто ги ревизираа нашите активности, не само на „Телемакедонија“, туку и на „Камени мост“ и најдоа дека се е во согласност со правилата“, изјави во 2003. Атила Сендреј, поранешен директор на Мактел.

Сегашното раководство на Мактел нема коментар за наодите дека нивните претходници работеле криминално и переле пари во телекомот. Во извештајот Маџар Телеком не наведува дали ќе бара одговорност за проневерите од нивните поранешни директори во Македонија и во Црна Гора.

Напишете ваш коментар	Правила за коментарите!
Име (задолжитело)
Место
E-mail

1.	Cacko од Konopiste на 03.12.2009 во 20:34 напиша:
"Во извештајот се потенцира дека голем дел од договорите се склучени за да се добие посебна регулатива на пазарот и други бенефиции од македонската влада. Истрагата не обезбедила докази за тоа дека пари им се префрлани на владини функционери или на членови на политички партии." Interesno, ima dokazi deka nekoj podmituval, a nema dokazi koj bil podmituvan

2.	Јован Петровски од Скопје на 04.12.2009 во 00:42 напиша:
Ха, ха , ха...а да не очекува некој да постојат признаници што ги потпишале оние кои примиле пари? Или им ги префрлиле на трансакциска сметка за полесно да платат персонален данок?

3.	Skopjanec од Skopje на 04.12.2009 во 00:51 напиша:
Pa zarem uste ne znate kade otidoa parite? Proverite gi bogatstvata na poranesni direktori i politicari koi imale kontrola na Telekom. Ispitajte i ke najdete.

4.	Makedonec од Skopje на 04.12.2009 во 05:00 напиша:
Dali nema kriminal vo namerata da se izdvojuvaat sredstva(so znaenje na najvisokite organi na kompanijata)za podmituvanje na drzavni sluzbenici?Sega im e maka sto utvrdile deka ima pronevera,ama nema dokaz deka nekoj e podmiten za dozivotno da go drzat vo race.Toj sto zel pari od Makedonskite funkcioneri mu cestitam bidejki sega moze mirno da si gi trosi oti nema dokazi za podmituvanje.

5.	vlatko од kocani на 04.12.2009 во 14:10 напиша:
bas me interesira, onoj Den Doncev, kolku pari ima zameno od prodazbata na Telekom? Go gledame od vreme na vreme so partijata la LjuBco, bozem dava izjavi, ili deme se bavi uste so politika, a veke nekolku godini nisto ne raboti covekot!! Cudno!! Kolku sto znam ima Avstraliski pasos, no ocigledno ovde e poisplatlivo da se zivee!!