Политичко-верските препукувања како основа за меѓуетнички тензии?
13.08.2009 15:53
 | | Граѓаните мора сами да ја донесат одлуката | | | |
Не против изградба на црква и џамија на плоштадот, невладините организации не се откажуваат од намерата по секоја цената да им докажат на иницијаторите, дека на верските објекти не им е местото на плоштадот. Едни, за други против, но како и да е, граѓаните мора сами да ја донесат одлуката. Зошто сте против изградба на црква? „Заради тоа што тоа е простор на сите. Против изградба сум за било каков објект на плоштадот. Ова е простор на сите, треба да остане широк“. „Јас сум против градење на верски објекти на плоштадот. Поради тоа што е мултиконфесионална држава. „Мислам дека убаво би изгледало тука да имаме една црква, каде што ќе можеме сите да се собираме на едно место“, изјавуваат анкетираните граѓани. Невладините организации „Плоштад слобода“ и „Граѓани за европска Македонија“, очекуваат од општина Центар да постапи разумно и да распише референдум. „Начинот на којшто сето тоа ни беше презентирано, односно наметнато така арогантно и безобразно, не изреволтирато. Ова е наш плоштад и ние имаме право да кажеме што мислиме и како треба овој плоштад да изгледа“, вели Дамјан Здравев, од невладината „Плоштад Слобода“. „Мислам дека плоштадот треба да биде јавно место, достапно на сите. Ако биде црква, или џамија или било кој друг објект, којшто нема да биде достапен на сите, тоа нема да биде плоштад Слобода“, вели Жарко Трајановски, од невладината „Граѓани за европска Македонија“. Може ли овие политичко-верски препукувања да предизвикаат и меѓуетнички тензии, или сепак ќе надвладее разум, и ќе се изнајде некакво компромисно решение. „Меѓуетнички тензии може да се предизвикаат доколку почне да се гради црква, па потоа почне да се гради, или не се дозволи да се гради џамија, тогаш може. Тогаш овој плоштад може да стане простор на верски судири. И токму тоа сакаме да го спречиме“, изјави Владимир Милчин. Од невладините велат дека ќе продолжат со собирање на потписи и дека дека демократијата на крајот ќе победи.
|