Жителите на Долнени пијат нехлорирана вода

Дарко Штаргоски	Коментари (1)

Повеќе од 10 дена околу 8.500 жители на општина Долнени пијат нехлорирана вода. До сега водата ја хлорирало ЈП „Водовод“ од Прилеп кој си ја повлекол хлорната станица бидејќи не е одговорен повеќе да хлорира вода за други општини.

Советниците од СДСМ од долнени денеска обвинија дека општината ја крие оваа информација.

„Во екот на летните горештини се знае дека хлорот е неопходна состојка на водата за пиење, а веќе во долнени има висок процент кај населението заразено со жолтица“, изјави Ахмо Фазлиќ, ОО на СДСМ во општина Долнени.

Од заводот за здравствена заштита во прилеп велат дека иако засега водата што ја провериле, пред неколку дена, е исправна за пиење сепак постои голема опасност од појава на заразни болести.

„Опасноста е во можноста на евентуална контаминација на водата за пиење, во смисла на бактериска контаминација и постоење на можност за одредени заболувања кај луѓето кои се пренесуваат преку водата за пиење“, вели Петар Оханисјан, специјалист по хиена во ЗЗЗ Прилеп.

Жителите на Долнени воопшто не се запознати со ова и велат дека никој не ги известил.

„Никој не нема известено за тоа, дали е хлорирана или не ние не знаеме, пиеме па сега дали е чиста или не никој не знае“, вели Велимир Кузманоски, жител на с. Долнени.

„Никој не знае дали е исправна за пиење нашата вода“, рече Пецо Попоски, жител на с. Сенокос.

Иако се обидовме да добиеме одговор за овој случај и од градоначалникот на Долнени, Абдула Бајрамоски, и од директорот на ЈКП Долнени тие денеска не сакаа да коментираат. Од Водовод Прилеп велат дека за ова повлекување на станицата ги известиле во Долнени уште пред 6 месеци, но од таму не презеле ништо.

„Секоја локална самоуправа, односно секое јавно претпријатие е должно на граѓаните од својата територија да им обезбеди здрава вода за пиење и хлолирана“, вели Сашко Николоски, директор на ЈП „Водовод“ Прилеп.

Засега нема одговор дали воопшто ќе започне хлорирање на водата, ниту тоа кој ќе одговара доколку се појави епидемија кај населението во Долнени.

Дамјан Варошлија - web новинар

За печатење

Прати по e-mail

Порака до авторот

Разгласи