Ќе се менува инвеститорот за црквата на плоштад?

	Коментари (2)

г.г. Стефан

Дали се погласните најави за менување на инвеститорот на црквата на скопскиот плоштад се обид да се избегне уште една негативна одлука од Уставниот суд за владиниот проект?

Официјално и се уште, во општина Центар како инвеститор на градбата се јавува Министерството за култура.

Се избегнува одговор дали и како е можно сега, по издадената документација, да се менува инвеститорот, односно наместо Владата да се јави црквата?

Поглаварот на МПЦ на поставените прашања дали црквата ќе ја преземе улогата на финансиер, без конкретен одговор.

„Црквата кој е должен да ја подигне? Оној што ја градел некогаш или оној што ја урнал потоа? Ако тоа прашање ви е јасно, немаше да го поставувате, а црквата ќе ја градиме верувам заедно сите“, рече г.г. Стефан, поглавар на МПЦ.

Реис Ул Улема Хаџи Ефенди Реџепи

Против изградба на црква нема ништо, ама на плоштадот сака да ја види и Бурмали џамијата. Поглаварот на ИВЗ тврди дека со Општината е во интензивна комуникација. Убеден е дека на скопскиот плоштад ќе се гради и Бурмали џамијата. Пари нема да бара од државата.

„ИВЗ има поднесено барање до општина Центар после изборите и консолидација на органите, за промена и дополнување на урбанистичкиот план. Не само што е поднесено барање, дури имаме и контакти во таа насока и очекуваме позитивен одговор“, изјави Реис Ул Улема Хаџи Ефенди Реџепи, поглавар на ИВЗ.

Приказната за менување на инвеститорот на црквата станува се поактуелна со можноста во следните месеци Уставниот суд да одлучи за црквата на плоштадот.

Досега се поднесени две иницијативи. Една од Група граѓани кои бараат да се преиспита Членот 19 и да се утврди дали државата го крши Уставот со тоа што гради верски објект со буџетски пари, и дали потегот привилегира само една верска заедница.

Втората иницијатива е на невладината „Разбуди се“ која се противи на местото каде се наоѓала куќата на Мајка Тереза да никне верски објект.

Од невладината се и против џамија на плоштадот и најавија протести доколку почне изградбата.

За печатење

Прати по e-mail

Порака до авторот

Разгласи