„Телеком Словенија“ го доби тендерот за дигитална телевизија
26.04.2009 13:03
„Телеком Словенија“ победи на тендерот за пренос на дигитални телевизиски услуги преку јавна комуникациска мрежа (DVB-T) на територијата на Македонија. Комисијата на Агенцијата за електронски комуникации, соопшти дека ова е одлучено вчера. „Телеком Словенија“, според условите на тендерот треба да овозможи покриеност на целата територија на Македонија во рок од една година со што ќе овозможи пренос на триесет телевизиски програми со многу висок квалитет. За ова треба да се инвестираат околу десет милиони евра Дополнително треба да бидат инвестирани уште околу дваесет милиони евра за обезбедување на дигитални приемници/декодери (digital set-top box) за домаќинствата, кои „Телеком Словенија“ бесплатно ќе им го доделува на оние домаќинства кои ќе сакаат да ги користат нивните услуги. Со помош на дигиталните приемници/декодери ќе можат да се следат содржините на дигиталната телевизиска услуга и на телевизорите, во кои нема вградено дигитален приемник. Copyright 2009 makfax. Сите права се задржани. Текстов не смее да се печати или емитува, во целина или во делови, без договор со makfax.
| 1. | Zmejko од Skopje на 27.04.2009 во 01:11 напиша: |
| Tuu, zarem ne se najde nekoj od makedonija da ponudi podobri uslovi! Se se rasprodade na stranci ovaa zemja! A i se uste sme nazad od ostanatiot svet! Vo Svedska od lani isklucivo se gleda digitalna televizija a nie, mozebi za edna godina ke dobieme digitalen tv signal po prv pat.. ccc |
| |
|