За мажот секс секој четврти ден

	Коментари (2)

Околу 300 Авганистанки во Кабул протестираа за правата на жената - демонстрациите ги задушија други илјада мажи - и жени. Ги гаѓаа со камења бидејќи демонстрантките го кренаа гласот против новиот закон за брак, што вели дека мажот може да бара сексуални односи од жената секој четврти ден, освен ако таа е болна и тоа може да и наштети.

„Ова е полошо од талибанскиот закон, се меша дури и во личните работи на жените и тврди дека жената треба да се потчини на желбите на мажот“, вели Алима, демонстрант.

Законот што критичарите го нарекуваат и брачно силување, регулира и кога и поради кои причини жена може да го напушти домот сама.

Конзервативните исламистички штрајк-брејкери извикнуваа „Смрт за слугите на христијаните“.

„Муслиманските жени имаат права што им се наведени во Куранот и во Исламот, а не права какви што им одредуваат други земји. Го прифаќаме овој закон по наша желба, а не затоа што го поставиле мажите во нашето општество“, вели Кудиса Феротан, поддржувач на законот.

Владата на авганистанскиот претседател Хамид Карзаи најави дека шиитскиот закон за семејството сепак ќе се ревидира и нема да се применува во актуелната форма.

Светот беше шокиран и од вчерашната егзекуција на двајца бегалци во Авганистан - девојче што било ветено на човек што не го сакало побегнало од дома со друг маж, со што го предизвикало бесот на Талибанците.

Во Саудиска Арабија, пак, го регулираат законот за брак на мали девојчиња. По контроверзниот случај кога 60-годишник зема за жена 8-годишно девојче, судот му наложи само да не го консумира бракот се додека девојчето не влезе во пубертет.

И додека Авганистан и Саудиска Арабија одат напред-назад, Пакистан дефинитивно се одлучи за назад. Под притисок на конзервативците претседателот Али Зардари потпиша уредба за воспоставување на исламскиот закон во долината Сват. Тоа е дел од договорот за прекин на талибанското насилство, кое во тој регион трае веќе 18 месеци.

За печатење

Прати по e-mail

Порака до авторот

Разгласи