Прекршочни за директорите поради несоодветно чување на компјутерите

	Коментари (1)

Казни и за учениците кои ги уништувале компјутерите, или краделе делови од нив

Прекршочни и кривични пријави за директорите на средните училишта поради несоодветно чување и ракување со компјутерската опрема.

Ќе бидат казнети и учениците кои намерно или ненамерно ги уништувале компјутерите, или краделе делови од нив, најави министерот за образование.

Нема начин како да се сочуваат компјутерите, затоа штетата ќе ги плаќаат оние кои ја направиле.

„Сите оние училишта каде што е констатирано дека постои оштетување на компјутерската опрема, а притоа раководните структури во училиштето немаат преземено никакви мерки за да го спречат или превенираат тоа, или доколку веќе се случило да ги санкционираат сторителите, МОН преку Државниот просветен инспекторат и преку МВР веќе има преземено активности“, изјави Перо Стојановски, министер за образование и наука.

Перо Стојановски

Оштетените компјутери нема да влијаат врз екстерното оценување на учениците кое треба да започне во јуни.

Министерството за образование поставило рок до кога директори на средните училишта треба да ги оспособат компјутерите за работа. Овие компјутери се дел од програмата „компјутер за секое дете“.

Проектот беше најавен пред три години, но дури годинава се набавени сите. Од септември целиот материјал ќе се предава со помош на компјутерите.

Обуката на наставниците за предавање на наставната програма со компјутерите е во тек.

За печатење

Прати по e-mail

Порака до авторот

Разгласи