Костовски: Го оставам градот со подмирени сметки

Го оставам градот Скопје со 8 милиони евра и подмирени сметки за сите тековни проекти. Ова го кажа Трифун Костовски пред советниците и директорите на јавните претпријатија на неговото последно обраќање како градоначалник.

Костовски изјави дека за време на неговиот мандат успеал да го вратил долгот од 10 милиони евра, сјајот на градските културни институции и да ја подобри работата на јавните претпријатија кои ги затекнал колабирани.

„Градот е денеска кредитно способен да влезе во инвестиција на капитални проекти и сакам да го охрабрам идниот градоначалник да не се плаши од предизвикот за голем проект, бидејќи оставаме пазар каде тој треба да продолжи“, вели Трифун Костовски.

Костовски посочи дека најголем негов проект изминативе 4 години не е булеварот „Словенија“, ниту клучките Континентал и Детелинка на Бит Пазар која е во завршна фаза.

За свој најголем успех смета дека е покренувањето на постапката за промена на законот за град Скопје.

„Градот Скопје, како секоја престолнина, мора да има своја автономност во функционирањето на работата“, вели Костовски.

На својот наследник, Костовски му порача да продолжи со ревитализација на Зоолошката градина и да го реализира проектот трамвај и жичарница до Милениумскиот крст на Водно преку Матка.

Напишете ваш коментар	Правила за коментарите!
Име (задолжитело)
Место
E-mail

1.	Вики од Скопје на 02.04.2009 во 17:57 напиша:
Костовски требаше да го истурка проектот трамвај. Тоа единствено ми се допадна кај него - убав, чист јавен транспорт, без кого Скопје ќе си остане анадолиски тип на град. Не дека има нешто лошо во тоа, нели.

2.	Artem од Skopje на 02.04.2009 во 16:33 напиша:
Na kraj Trifun ispadna dobar gradonacalnik. Trebase da mu se dade uste edna sansa pa i po cena na Kermes. Kluckata kaj Kontinental e odlicna rabota.

3.	Воислав од Чешка Република на 02.04.2009 во 16:52 напиша:
„За свој најголем успех смета дека е покренувањето на постапката за промена на законот за град Скопје“ Камо да имаше повеќе вакви градоначалници. Не е секој способен за ваков успех. Да се покрене постапка (преку изјава за медиуми) е најголемиот предизвик на градоначалничката функција и секој што ќе успее ова да го постигне заслужува уште еден мандат. Збогум песнопојско градоначалниче! Збогум втор скопски земјотресу!

4.	Горан на 02.04.2009 во 17:23 напиша:
Многумина го кудеа, многумина не застанаа позади овој човек, но малкумина знаат колку му беа врзани рацете. Г-дине Трифун ти благодарам што не ставаше маски на Скопје туку почна да го реконструираш од корен.