Рикер бара фер избори од кандидатите за градоначалник на Охрид
30.03.2009 20:09
 | | Американскиот амбасадор Филип Рикер на средба со Петрески и Трендафилов во Охрид | | | |
Американскиот амбасадор во македонија Филип Рикер ги повика на фер и демократска избори без инциденти кандидатите за градоначалници на Охрид. Ги пофали за првиот круг и изрази оптимизам дека и в недела ќе биде мирно зашто тоа е од исклучителна важност за Македонија. „Имавме добар прв изборен круг и сакаме тоа да се повтори и во вториот, за доброто на целата земја. Тоа е важно за вашата репутација, но е уште поважно за секој граѓанин да почувствува дека има прилика да го избере лидерот кој ќе ги застапува неговите интереси на локално и на државно ниво. Тоа сакаме да го видиме и во вториот изборен круг. Затоа, ги охрабрувам сите жители да излезат и да гласаат. Да земат учество во демократијата и да излезат на гласање на 5 април“, изјави Рикер. Кандидатот на опозицијата Александар Петрески повтори обвини дека полицијата агитира во полза на кандидатот на власта и обвини за тортура врз граѓаните. „Јас побарав и министерката за внатрешни работи да ја пуштат негде Брисел, ваму-таму, да го напушти Охрид, едноставно да и дадат некоја задача. Исто така побарав инспекциите кои ги малтретираат фирмите, компаниите, продавниците, два автобуси инспекции што се дојдени во Охрид да го напуштат Охрид и да дојдат в понеделник“, изјави Александар Петрески. Неговиот противкандидат рече дека изборите мора да се фер и демократски, без разлика кој ќе биде градоначалник. Државата ги користи сите нејзини ресурси за да се избегнат сите нерегуларностите, оцени Трендафилов. „Беше многу корисна оваа средба, ја имавме и пред првиот круг, очигледно ефекти си има таа работа, државата максимално си ги има ангажирано сите нејзини ресурси за да можеме да обезбедиме регуларни избори, да се спречат сите нерегуларности, односно превентивно да се делува“, изјави Кирил Трендафилов. Во Охрид ќе се води една од најнеизвесните битки на гласањето в недела.
|