ПМФ ги крши правилата во проектот „Компјутер за секое дете“

	Коментари (5)

Оливер Зајков - продекан ПМФ

Наместо со 20 обучувачи со кои конкурирале за реализација на проектот Едубунту, ПМФ до сите средни училишта испратиле список со уште 70 нови професори.

Во дополнителната и проширена листа пишува дека е одобрено од Бирото за развој на образованието. Но, од Бирото велат дека таква дозвола тие не дале и дека ПМФ ги прекршил правилата.

Од ПМФ, пак, се правдаат дека постапиле согласно правилата на тендерот, според кој можело да се дополни листата на обучувачи, но не одговараат на прашањето зошто на проширената листа заверена и потпишана од деканот стои дека е одобрена од Бирото.

„Ние прво извршивме консултација со Бирото и врз основа на таа консултација и на онаа точка 6 од повикот, реагиравме и го испративме дополнителниот список“, изјави Оливер Зајков, продекан на ПМФ.

„Компјутер за секое дете“ со прекршени правила

Случајот е пријавен и во Државниот просветен инспекторат. Просветните инспектори велат дека бројот и квалитетот на обучувачите кои ги понудиле понудувачите на јавниот оглас се конечни и непроменливи.

До ПМФ испратиле допис со кој бараат да ја повлечат од сите средни училишта листата со новите 70 обучувачи која е неважечка, но и да ги известат директорите дека обуката ќе ја извршуваат со 20-те професори за кои имаат одобрение од страна на Министерството за образование и Бирото за развој на образованието.

Обуката на наставниците од средните училишта како наставната програма да ја предаваат со помош на компјутери, започна на почетокот на овој месец. Со тоа, всушност, треба да започне реализацијата на проектот „Компјутер за секое дете“.

За печатење

Прати по e-mail

Порака до авторот

Разгласи