Полиција уби тинејџер во Австралија

Макфакс	Коментари (10)

Детето им се заканувал со ножеви на полицајците

По убиството на 15-годишното момче во Грција од страна на полицаец, истото се случи и во Австралија. Полицајци од Мелбурн смртно застрелаа еден тинејџер, кој, како што тврдат, со ножеви и им се заканувал на едно лизгалиште.

Според наводите на полицијата, тинејџерот Тајлер Касиди (15) бил агресивен и продолжил да им се приближува на полицајците, иако тие истрелале неколку куршуми за предупредување и двапати употребиле солзавец во спреј.

Полицијата пристигнала на лизгалиштето на повик на неколку луѓе кои забележале дека момчето се однесува чудно, соопштил заменикот комесар на полицијата во сојузната држава Викторија, Тим Картрајт, кој додал дека претходно тинејџерот украл ножеви од една продавница.

„Се однесуваше нерационално, викаше, и колку што нас ни е познато, во тој момент имаше два ножа“, изјавил Картрајт.

Убиството на австралискиот тинејџер се уште не предизвика масовни демонстрации, како што е случај со Грција.

^{Copyright 2008 makfax. Сите права се задржани. Текстов не смее да се печати или емитува, во целина или во делови, без договор со makfax.}

За печатење

Прати по e-mail

Порака до авторот

Разгласи